Það er ekki langt síðan supermoto hjólin byrjuðu að koma til Íslands en um leið og þau koma voru þeir Binni Morgan og Jói Kef fyrstir til að fá sér þannig hjól. Vefurinn rakst á gamalt myndskeið frá því þegar þeir félagar eru að leika sér á hjólunum á rallýcrossbrautinni í Hafnarfirði. Alltaf gaman að grafa upp gömul myndskeið.

BÍKR ásamt fleirum verða með stórsýningu í Garðabæ helgina 31. apríl - 2. maí og í tilefni af henni verða ýmsar uppákomur, þar má nefna innanbæjar rallýkeppni sem haldin verður á athafnarsvæði Samskipa. Supermoto sýning verður haldin en ekki er komin nákvæm staðsetning á henni, en líklegt þykir að hún verði haldin í Kauptúni, á sama stað og sýningin fer fram.