Samkvæmt heimildum vefsins er mikið öskufok á keppnissvæðinu núna og er stjórn VÍK að funda núna um framvindun mála. Mögulega gæti verið að fresta þurfi keppninni um óákveðinn tíma en allt er enn óráðið um það. Vefurinn mun koma með nánari upplýsingar um leið og þær berast.

Vélhjólaíþróttaklúbburinn birti í dag uppfærðann ráslista fyrir stærstu endurokeppni ársins sem fram fer um helgina á Kirkjubæjarklaustri. Eftir að ný dagsetning fyrir keppninni var birt voru nokkrir sem sáu sig ekki færa um að mæta og þurftu þannig að selja sætin sín í keppninni. Á meðfylgjandi mynd má sjá ráslistann eins og hann lýtur út í dag.

Tilkynning frá VÍK
Fundur með keppendum verður í húsnæði Ingvars Helgasonar að Sævarhöfða 2 110 Reykjavík á morgun, Þriðjudag 07.06.11, kl 18:30. – 20:00. Keppendur fá keppnisnúmerin, reglur og upplýsingar um keppnissvæðið ofl.

Nú þegar goslokum hefur verið lýst yfir í Grímsvötnum og eftir að staðan á brautarstæðinu hefur verið könnuð er komin ákvörðun um að halda keppnina um hvítasunnuhelgina, sunnudaginn 12. júní nk.

Í kvöldfréttum stöðvar 2 í kvöld var fjallað um frestun Klaustur offroad challange keppninnar sem átti að fara fram í dag í landi Ásgarðs. Í fréttinni er meðal annars sýnt frá svæðinu og rætt við mótshaldarann Guðmund Vigni Steinsson. Í fréttinni sést greinilega askan í grasinu og var því rétt að fresta keppninni þó svo að gosið hafi minkað verulega á síðustu dögum.

Stjórn VÍK og MSÍ FRESTAR fyrirhugaðri Klausturskeppni 28. maí 2011. Ný dagsetning á keppninni verður ákveðin þegar náttúruöflin ákveða að sleppa takinu á landinu. Þessi ákvörðun er okkur þungbær en nauðsynleg. Hvetjum alla þá sem hafa pantaða gistingu til að afboða komu sína á svæðið.
Stjórn VÍK og MSÍ

RÚV sýndi síðastliðinn laugardag þátt um níundu Klaustur offroad challange keppnina sem haldin var á landi Ásgarðs á Kirkjubæjarklaustri. Þátturinn er mjög skemmtilegur og hvetjum við menn og konur til að horfa á hann. Hægt er að sjá þáttinn á vef RÚV, www.ruv.is eða með því að smella hér.

Einar Sverrir Sigurðarson og Gunnar Sigurðsson sigruðu í níundu Klaustur offroad challenge sem haldin var á landi Ásgarðs á Kirkjubæjarklaustri. Brautin var rosalega skemmtileg en kvörtuðu þó einhverjir yfir mýrarkaflanum sem breyttist fljótt í algjört helvíti fyrir allmarga keppendur. Þegar keppnin hafði staðið yfir í rúmar tvær klukkustundir var ákveðið að endurstarta og breyta brautinni svo mýrarkaflanum yrði sleppt, enda var hann orðinn mjög erfiður yfirferðar.