Vegna mikils öskufoks á mótsstað hefur keppnisstjórn ákveðið að flauta keppnina af. Aðstæður bjóða hreinlega ekki upp á það að keppt sé á svæðinu þessa helgi. Samkvæmt heimildum vefsins er mikið öskufok á keppnissvæðinu núna.

Samkvæmt heimildum vefsins er mikið öskufok á keppnissvæðinu núna og er stjórn VÍK að funda núna um framvindun mála. Mögulega gæti verið að fresta þurfi keppninni um óákveðinn tíma en allt er enn óráðið um það. Vefurinn mun koma með nánari upplýsingar um leið og þær berast.

Vélhjólaíþróttaklúbburinn birti í dag uppfærðann ráslista fyrir stærstu endurokeppni ársins sem fram fer um helgina á Kirkjubæjarklaustri. Eftir að ný dagsetning fyrir keppninni var birt voru nokkrir sem sáu sig ekki færa um að mæta og þurftu þannig að selja sætin sín í keppninni. Á meðfylgjandi mynd má sjá ráslistann eins og hann lýtur út í dag.

Tilkynning frá VÍK
Fundur með keppendum verður í húsnæði Ingvars Helgasonar að Sævarhöfða 2 110 Reykjavík á morgun, Þriðjudag 07.06.11, kl 18:30. – 20:00. Keppendur fá keppnisnúmerin, reglur og upplýsingar um keppnissvæðið ofl.

Nýjar myndir hafa borist frá KTM af nýja 450 EXC mótornum og eru miklar breytingar í honum. Þó svo að þetta séu upprunalegar myndir frá KTM gætu verið gerðar breytingar á mótornum áður en hann kemur á markað þó svo að það sé ekki víst. 2012 EXC 450 mótorinn kemur með beinni innspýtingu á meðan 450 SXF mótorinn verður enn með blöndung.

Nú þegar goslokum hefur verið lýst yfir í Grímsvötnum og eftir að staðan á brautarstæðinu hefur verið könnuð er komin ákvörðun um að halda keppnina um hvítasunnuhelgina, sunnudaginn 12. júní nk.

Í kvöldfréttum stöðvar 2 í kvöld var fjallað um frestun Klaustur offroad challange keppninnar sem átti að fara fram í dag í landi Ásgarðs. Í fréttinni er meðal annars sýnt frá svæðinu og rætt við mótshaldarann Guðmund Vigni Steinsson. Í fréttinni sést greinilega askan í grasinu og var því rétt að fresta keppninni þó svo að gosið hafi minkað verulega á síðustu dögum.

Slóðavinir gáfu út um daginn nýtt fræðslumyndband sem sýnir hvernig á að losa vatn úr mótor. Mjög fróðlegt og gott myndband frá Slóðavinum sem vefurinn mælir með að fólk skoði.